काठमाडौं । नेपाली कांग्रेसको महामन्त्रीमा गगनकुमार थापा र विश्वप्रकाश शर्मा निर्वाचित भएका छन् ।पार्टीको १४औं महाधिवेशनमा महामन्त्रीका लागि ६ जनाले उम्मेदवारी दिएकामध्ये गगन र विश्वप्रकाश निर्वाचित भएका हुन् ।
अन्तिम मत परिणामअनुसार गगनले ३०२३ मत पाएका छन् भने विश्वप्रकाशले १९८४ मत ल्याए । गगनले कांग्रेसको १४ औं महाधिवेशनमा अहिलेसम्मकै सर्वाधिक मत पाएका छन् । उनले खसेको मतको झन्डै दुई तिहाइ मत पाएका हुन् ।
यस्तै, विश्वप्रकाशको पक्षमा ४२ प्रतिशत मत आएको छ। कूल ४६८२ मत खसेको थियो। यद्यपि, अन्तिम परिणामको औपचारिक घोषणा हुन बाँकी छ। तेस्रो स्थानमा रहेका प्रकाशशरण १५५६ मत पाएका छन् भने प्रदीप पौडेलले १३९३ मत ल्याएका छन् । मीनेन्द्र रिजालको ८०९ र राजाराम कार्कीको १०६ मत आएको छ ।
झन्डै २ तिहाइ मत ल्याएर निर्वाचित थापा, शेखर कोइरालाको प्यानलबाट उम्मेदवार बनेका थिए भने दोस्रो बढी मत ल्याएका शर्मा, प्रकाशमान सिंहको प्यानलबाट उम्मेदवार बनेका थिए ।
शेखरकै प्यानलबाट उम्मेदवार बनेका मीनेन्द्र रिजाल भने पाँचौं नम्बरमा आएका छन् ।सभापतिमा निर्वाचित शेरबहादुर देउवा प्यानलका उम्मेदवार प्रकाशशरण महत र प्रदीप पौडेल तेस्रो र चौथो भएका छन् ।
झन्डै २ तिहाइ मत ल्याएर निर्वाचित थापा, शेखर कोइरालाको प्यानलबाट उम्मेदवार बनेका थिए भने दोस्रो बढी मत ल्याएका शर्मा, प्रकाशमान सिंहको प्यानलबाट उम्मेदवार बनेका थिए ।
