तनहुँ । रोट्रयाक्ट क्लब अफ भिमादले आयोजना गरेको रक्तदान कार्यक्रममा ६५ पिन्ट रगत सङ्कलन भएको छ ।
पौष १ गते आयोजना गरेको रक्तदान कार्यक्रममा ६५ पिन्ट रगत सङ्कलन भएको रोट्रयाक्ट क्लब अफ भिमादका अध्यक्ष दिपेन्द्र भण्डारी (अशिम)ले जानकारी दिए ।
भिमाद नगरपालिका वडा नं ६ का वडा अध्यक्ष श्याम सुन्दर जोशीले क्लबका अध्यक्ष दिपेन्द्र भण्डारीलाई ब्लड ब्याग हस्तान्तरण गर्दै कार्यक्रमको उद्घाटन गरेका थिए ।
रक्तदानलाई जीवनदानकै रुपमा लिइने भएकाले यसको ज्यादै महत्व रहेको दर्शाउँदै यस प्रकारका कार्यक्रमहरुमा सबै जना जुट्नुपर्ने जोशीको भनाई थियो ।
