धादिङ । धादिङको बेनिघाट रोराङ गाउँपालिका वडा नम्बर ९ मझिमटारबाट आठ किलो पाँच सय ग्राम लागुऔषध गाँजासहित तीनजना पक्राउ परेका छन्।
काठमाडौँबाट पोखरातर्फ जाँदै गरेको ग १ ख ७७०२ नम्बरको बस चेकजाँच गर्ने क्रममा कास्की जिल्लाको माछापुच्छ्रे नगरपालिका वडा नम्बर ८ बस्ने सन्जोग सुनारलाई गाँजासहित पक्राउ गरेको थियो।
उनकै सूचनाको आधारमा स्याङजा जिल्ला चिनिबासका नयन थापामगर र कास्कीको लेखनाथ महानगरपालिका वडा नम्बर ९ बस्ने संगीत विकलाई पनि प्रहरीले पक्राउ गरेको छ।
पक्राउ पर्नेहरुलाई लागुऔषध ओसार पसार ऐन अन्तरगत कारवाही प्रक्रिया अगाडी बढाइएको जिल्ला प्रहरी कार्यलय धादिङका सूचना अधिकारी डीएसपी रुपक खड्काले जानकारी दिए।
