सिरहा । मंगलबार अवैध ढंगले भारतीय मोटरसाईकलमा सीमापारीबाट भित्र्याएको कपडासहित सिरहा प्रहरीले दुइजनालाई पक्राउ गरेको छ । पक्राउ पर्नेहरु सिरहा नगरपालिका १७ का रुपेश यादव र मुन्ना यादव छन् । बिआर ३२ जेड १८९८ नम्बरको भारतीय मोटरसाइकलमा कपडा लिएर आइरहेका यादवद्वयलाई पक्राउ गरि आवश्यक कारबाहीका लागि जिल्ला भन्सार माड्र बुझाइएको जिल्ला प्रहरी कार्यालय सिरहाका सूचना अधिकारी (डिएसपी) अपीलराज बोहराले बताए ।
सोमबार मिर्चैया प्रहरीले ८ सय प्याकेट खैनी (सुर्ती) सहित टेम्पो चालकलाई पक्राउ गरेको थियो । स १ ह ३८५५ नम्बरको टेम्पोमा लोड अबैध खैनीसहित टेम्पो चालक मिर्चैया नगरपालिका ५ का २९ वर्षिय दिपक गोसाईलाई आवश्यक कारबाहीका लागि आन्तरिक राजस्व कार्यालय लहानमा बुझाइएको डिएसपी बोहराले बताए ।
सिरहा प्रहरीले सीमानाकादेखि सहरसम्म तस्करमाथि निगरानी बढाएपछि पछिल्लो समय दैनिकजसो तस्कर र तस्करीका सामान पक्राउ पर्ने गरेको छ ।
