काठमाडौँ । नेपाली कांग्रेसका नवनिर्वाचित महामन्त्री गगन थापाले आफूले महाधिवेशनमा पाएको मतलाई न्याय गर्ने बताएका छन्।
१४ औं महाधिवेशनबाट महामन्त्री पदमा विजयी भएपछि पार्टी कार्यालय सानेपामा पत्रकारहरुसँग कुरा गर्दै उनले सो कुरा बताएका हुन्।
नेता थापाले आफूलाई मत दिएर जिताएका सबै मतदातालाई धन्यवाद दिँदै मतदाताको पनि विश्वास जित्नेगरी काम गर्ने बताएका छन्।
‘इमान्दारितापूर्वक आफ्नो भूमिका निर्वाह गर्नेछु। मैले साथीहरुलाई एक दिन पनि गलत मान्छे छानेछु भन्ने दिन आउन दिन्नँ भनेको छु। म सिंगो पार्टीको महामन्त्री बन्छु,’ उनले भने।
आफूसहितका पदाधिकारीले सभापतिलाई बल पुग्नेगरी, तागत पुर्याउने गरी काम गर्ने पनि बताएका छन्।
‘यो मतप्रति मैले न्याय गर्नुपर्छ । मसँग एक दिन पनि चुक्ने सुविधा छैन, एक दिन पनि थाक्ने सुविधा छैन । म अझै इमान्दारिपूर्वक, परिपक्व ढंगले जिम्मेवारी निर्वाह गर्छु’ उनले भने ।
पार्टीलाई व्यवस्थापन गर्ने महामन्त्रीको भएको भन्दै पार्टीमा नजोडिएका साथीलाई पनि पार्टीमा जोड्न आफूले काम गर्ने थापाको भनाई छ।