काठमाडौं । नेपाली कांग्रेसको १४औं महाधिवेशनमा उपसभापतिमा निर्वाचित पूर्णबहादुर खड्का कृष्णप्रसाद भट्टराईको ललितपुरको बाडेगाउँमा रहेको कुटीमा पुगेका छन् ।
उनले त्यहाँ रहेको भट्टराईको शालिकमा माल्यार्पण गरेका थिए । किसुनजीलाई आर्दश मान्ने खड्का उपसभापतिमा निर्वाचित भएपछि नै पहिले त्यहाँ पुगेका हुन् । कांग्रेसको इतिहासमा खड्का र धनराज गुरुङ पहिलो निर्वाचित उपसभापति बन्न सफल भएका छन् । उपसभापतिमा निर्वाचित खड्का र गुरुङले ७ उम्मेदवारमध्ये सबैभन्दा धेरै क्रमशः २१२१ र १९०८ मत प्राप्त गरेका थिए ।
उनी कांग्रेसका युवा नेता रामहरि खतिवडासँगै त्यहाँ पुगेका हुन् । उपसभापतिमा निर्वाचित हुनुभन्दा अघि उनी महामन्त्रीको भूमिकामा थिए । उनी पदमा रहँदा होस वा नरहँदा होस, किसुनजीको आश्रममा प्रायः गईरहन्छन् ।
कांग्रेसमा खड्का अत्यन्तै लोकप्रिय नेताको रुपमा परिचित छन् ।
