काठमाडौं । स्पेनिस ला लिगा फुटबलमा भलाडोलिड र रियल मड्रिड बराबरीमा रोकिएको छ । राति भएको खेलमा भलाडोलिडले रियललाई १–१ को बराबरीमा रोकेको हो ।
सान्टिएगो बेर्नाबाउमा भएको खेलमा रियल मड्रिडको लागि ८२ औं मिनेटमा करिम बेन्जिमाले गोल गरेका थिए । तर निर्धारित समय सकिन दुई मिनेट बाँकी छँदा भलाडोलिडका लागि सेर्गी ग्वार्डिओलाले १ गोल गरी बराबरीमा खेललाई अन्त्य गरे ।
भलाडोलिड शायद तीन अंक नै बटुल्थ्यो होला तर ग्वाल्डो रोबियोको प्रयासलाई रियल मड्रिडका गोलरक्षक थिबाउ कोर्टुवाले असफल पारे ।