काठमाडौं । शनिबार भएको खेलमा लिभरपुलले आर्सनललाई ३–१ गोलको अन्तरले हराएको हो । मोहम्मद सलाहको दुई गोलसँगै लिभरपुलले प्रिमियर लिगमा आर्सनलमाथि सहज जित निकालेको छ । एन्फिल्डमा भएको खेलमा लिभरपुलको सुरुवाती गोल पहिलो हाफको अन्त्यतिर जोइल माटिपको गोलबाट भएको थियो ।
दोस्रो हाफको सरुमा लिभरपुलले पेनाल्टी पाएको थियो, जसमा सलाह चुकेनन् र गोल गर्न सफल भए । खेलको ५८ औं मिनेटमा उनले नै व्यक्तिगत दोस्रो गोल गर्दै लिभरपुललाई ३–० को अग्रता दिलाएका थिए ।
खेलको अन्त्यतिर आर्सनलका टोरेराले सान्त्वना गोल गरे । खेलभरीको परिपेक्षलाई हेर्ने हो भने खेलको मजा लिभरपुलले मजाले लिईरहेको देखिन्थ्यो । प्रशिक्षक जोर्गेन क्लोपले भने, ‘यो शक्ति, ऊर्जा र प्यासनले भरिएको प्रदर्शन थियो, जुन आर्सनल जस्तो टिमसँग खेल्दा चाहिन्छ ।’
