काठमाडौं । प्रतिबन्धित नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका नेता हौँ भन्दै धम्की दिएर रकम असुल्ने तीन जनालाई प्रहरीले पक्राउ गरेको छ।पक्राउ पर्नेमा जनध्वनी साप्ताहिकका सम्पादक विकास कोइराला, बिश्वराज शर्मा र शुभम घिमिरे छन्।
महानगरीय अपराध महाशाखाको टोलीले शुक्रबार र आइतबार उपत्यकाका विभिन्न स्थानबाट पक्राउ परका सो समूहले सरकारी कार्यालय प्रमुखहरुलाई बम पड्काएर जिउज्यान लिनेसम्मको धम्की दिने गरेको प्रहरीले जनाएको छ।
महाशाखाको टोलीले पक्राउ गरेका उनीहरुलाई थप कारबाहीका लागि महानगरीय प्रहरी परिसरमा बुझाएको छ।
पक्राउ परेका तीन जनाले विप्लव नेकपाको काठमाडौँ इन्चार्ज हुँ भन्दै विभिन्न सरकारी कार्यालयका प्रमुखलाई घर बमले उडाइदिने, ज्यान लिने धम्की दिँदै रकम असुल्दै आएका बताइएको छ ।
पक्राउ परेका तीनै जनालाई हिरासतमा राखी अनुसन्धान अगाडि बढाइएको प्रहरीले जनाएको छ।
