काठमाडौं । अमेरिकी बरिष्ठ नेता बर्नी स्यान्डर्सले कश्मीरमा भारतीय कदम अस्वीकार्य रहेको बताएका छन् । डेमोक्रेटिक पार्टीबाट राष्ट्रपतिको उम्मेदवारमा दाबेदारसमेत रहेका स्यान्डर्सले कश्मीरको अवस्थालाई लिएर आफू चिन्तित रहेको बताएका हुन् ।
सुरक्षाको नाममा कश्मीरमा विरोधको आवाजलाई दबाइएको र स्वास्थ्य सेवाबाट समेत नागरिकलाई वञ्चित गरिएको भन्दै उनले कडा आपत्ति जनाएका छन् । ‘भारतमा कैयौ चिकित्सकले कश्मीरमा भारत सरकारले लगाएको प्रतिबन्धका कारण विरामीको अतिआवश्यक उपचार समेत नपाएको उल्लेख गरेका छन् ।’ नेता स्यान्डर्सले भने।
अमेरिकी मुस्लिम समुदायको एक सम्मेलनलाई सम्बोधन गर्ने क्रममा नेता स्यान्डर्सले कश्मीरबारे आफ्नो धारणा राखेका हुन् । उनले जम्मू–कश्मीरमा सञ्चार सेवामा लगाइएको प्रतिबन्ध तुरुन्त हटाउन पनि माग गरे।
उनले अमेरिकी सरकारले अन्तर्राष्ट्रिय मानवअधिकारको पक्षमा खुलेर बोल्नुपर्ने माग पनि गरे।
