राँझा । एक फरार अभियुक्तलाई नियन्त्रणमा लिन प्रहरीले बाँकेको राँझामा गोली चलाएको छ।
चोरी तथा डकैत मुद्दामा ६ वर्ष कैद सजाय सुनाइएका बाँके बैजनाथ गाँउपालिका वडा नं. ४ का नरेन्द्र न्यौपानेलाई प्रहरीले गोली चलाएको हो। २०६८ साल असोज ६ गते चोरी तथा डकैटी मुद्दामा जिल्ला अदालत बाँकेले न्यौपानेविरुद्ध सर्वस्व कैदको सजाय सुनाएको थियो। अदालतको फैसलासँगै उनी फरार रहँदै आएका थिए।
सोमबार नेपालगञ्जको राँझा विमानस्थल नजिकै भेटिएका न्यौपानेलाई प्रहरीले पक्राउ गर्न खोजेको थियो। प्रहरीले आफूलाई पक्राउ गर्न लागेको थाहा पाएर भाग्न थालेका न्यौपानेलाई प्रहरीले उनीमाथि गोली प्रहार गरेको हो।
जिल्ला प्रहरी कार्यालय बाँकेले उनलाई देब्रे खुट्टामो गोली हानेर नियन्त्रणमा लिएको जनाएको छ।उनको अहिले नेपालगञ्ज मेडिकल कलेज शिक्षण अस्पताल कोहलपुरमा उपचार भईरहेको प्रहरीले जनाएको छ।
