काठमाडौं । वैदेशिक रोजगारीमा जाने युवाले श्रम स्वीकृतिका लागि सोमबारबाट अनिवार्य रूपमा बैंक खाता खोलेको प्रमाण पेश गर्नु पर्ने व्यवस्था लागू गरिएको छ । रेमिट्यान्स, सेवा शुल्क, ठगी नियन्त्रण र अन्य सरकारी सहायताको आर्थिक कारोबार सहज बनाउन बैंक खाता अनिवार्य गरिएको हो ।
वैदेशिक रोजगार विभागले श्रम स्वीकृतिका लागि कामदारले आफ्नो वा आफ्नो हकवालाको नाममा बैंकमा खाता खोलेको प्रमाण अनिवार्य पेश गर्नुपर्ने जनाउदै सूचना समेत जारी गरेको जनाएको छ । बिभागले नेपाल राष्ट्र बैकबाट कारोबार अनुमति लिएका विकास बैक र बाणिज्य बैंकको कुनै शाखामा खाता खोल्न सकिने जनाएको छ । श्रमिकले देशभर रहेका २८ वाणिज्य बैंक र २९ विकास बैकका विभिन्न शाखा कार्यलयहरूमा खाता खोल्न सक्नेछन् ।

विभागका महानिर्देशक भीष्मकुमार भुसालले वैदेशिक रोजगारीका जाने युवाले श्रम स्वीकृति लिन अनिवार्य रूपमा वैदेशिक रोजगार सूचना व्यवस्थापन प्रणाली ९एफईआईएमएस० मा बैंक खाता नम्बरसहित प्रमाणीत कपि नै अपलोड गरेर दर्ता गर्नु पर्ने बताए । “सोमवारदेखि श्रम स्वीकृतिका लागि कामदारले आफ्नो वा आफ्नो हकवालाको नाममा बैंकमा खाता खोलेको प्रमाण अनिवार्य पेश गरेपछि मात्र श्रम स्वीकृतिको लागि आवेदन दिन पाउने छन्,” महानिर्देशक भुसालले कारोबारसँग भने, “विभागको अनलाइन सूचना व्यवस्थापन प्रणाली एफईआईएमएसमा बैंक खाता खोलेको विवरण अनिवार्य रूपमा प्रविष्ट गर्नुपर्ने नियम अनिवार्य गरिएको छ ।” सरकारले तयार गरेको एफईआईएमएस वैदेशिक रोजगारीमा जाने युवाले बिमा, मेडिकल, श्रम स्वीकृति, पासपोर्ट, अध्ययागमन प्रक्रिया, अभिमुखीकरण लगायतका सबै जानकारी रहेको संयुक्त सूचना प्रणाली हो ।
विभागले वैदेशिक रोजगारीमा जाने युवाको ३ वटा फाइदाजनक पक्षलाई ध्यान दिएर रोजगारीका लागि बिदेश जानेलाई अनिवार्य बैक खाताको व्यवस्था गरिएको जनाएको छ । “पहिलो फाइदा भनेको भोलीका दिनमा वैदेशिक रोजगार व्यवसायीलाई तिर्नुपर्ने सेवा शुल्क समेत बैंक खाताबाट तिर्ने गरी नियम लागू गरिन्छ,” महानिर्देशक भुसालले भने, “यो नियम लागू भएपछि वैदेशिक रोजगारमा जाने युवासँग व्यवसायीले सेवा शुल्क सोही खाता मार्फत मात्र पैसा लिन पाउने छन ।” विभागले बैंक खाता अनिवार्य गरेसँगै विदेशमा कामदार कमाएको रेमिट्यान्स समेत आफनो वा आफन्तको खातामा पठाउन अनिवार्य बाध्यता हुने छ । महानिर्देशक भुसालले रेमिट्यास सेवा प्रदायकसँग बसेर सस्तो र सर्वसुलभ रूपमा श्रमिक रकम स्वदेश पठाउने सम्बन्धमा समेत छलफल गरिने बताए । यसका लागि प्रवद्र्धनात्मक कार्यक्रम समेत गरिने छ । वैध प्रणालीबाट रकम स्वदेश भित्रयाउन समेत यसले आधार तयार गर्दछ । तेस्रो फाईदा भनेको बिदेशमा कामदारलाई केही भए वैदेशिक रोजगार बोर्डबाट पाउने आर्थिक सहायता समेत सोही बैंक खातामा जम्मा गर्न सकिन्छ ।
श्रम स्वीकृतिका लागि बैक खाता अनिवार्य गरिएको पहिलो दिन सोमबार आवेदन दिएका मध्ये ५० प्रतिशत भन्दा बढीले खाता नम्बर सहित निबेदन दिएको बिभागले जनाएको छ । वैदेशिक रोजगार विभाग काठमाडौ कार्यलय ताहाचलमा सोबार ५०० भन्दा बढी युवाले बैंक खातासहित श्रम स्वीकृतिका लागि आवेदन दिएका थिए ।, समाचार कारोबार राष्टिय दैनिकमा प्रकाशित छ ।