काठमाडौं । ब्राजिलका स्टार फुटबलर नेयमार पूर्व क्लब बार्सिलोना फर्कन नसकेपछि दुःख व्यक्त गरेका छन् ।
सोमबारसम्म नेयमार बार्सिलोना फर्किने झिनो आशा रहे पनि सोमबार ट्रान्सफर विन्डो बन्द भएपछि नेयमार बार्सिलोना नआउने पक्का भएको हो । अब नेयमारले पीएसजीबाट बार्सिलोना वा अन्य क्लबमा जानका लागि २०२० सम्म कुर्नैपर्नेछ ।
बार्सिलोनाले नेयमारको लागि अन्तिम प्रस्तावको रुपमा १५० मिलियन पाउन्डका साथमा इभान राकिटिक, क्लेर टोडिबो र ओउस्मान डेम्बेलेलाई नेयमारसँग लोनमा साट्न प्रस्ताव गरेको थियो ।तर पीएसजीले ट्रान्सफर विन्डो बन्द हुनु अघिसम्म प्रस्तावलाई स्वीकार नगरेकाले सम्झौता हुन नसकेको हो ।
