ओखलढुंगा । ओखलढुंगामा ट्रिपरले मोटरसाइकललाई ठक्कर दिँदा दुईजना घाइते भएका छन् । मंगलबार दिउँसो करीब १२ बजे मानेभञ्ज्याङ गाउँपालिका ५ स्थित जेरुङमा बा ५ ख १२३ नम्बरको ट्रिपरले ठक्कर दिँदा मोटरसाइलमा सवार मानेभञ्ज्याङ ६ का ३० वर्षीय एविराज राई र सोही स्थान बस्ने वर्षीय २६ का प्रितम राई घाइते भएका हुन ।
घाइते मध्ये एविराज राईको अवस्था गम्भीर रहेकोले थप उपचारको लागि हेलिकप्टर मार्फत काठमाडौं रिफर गरिएको छ । ट्रिपर चालक प्रहरी नियन्त्रणमा रहेको जिल्ला प्रहरी कार्यालय ओखलढुंगाका प्रहरी निरीक्षक राजिव श्रेष्ठले जानकारी दिएका छन् ।
