काठमाडौं । वर्षा र पहिरोका कारण भोटेकोशी, त्रिशूली र नारायणी नदीको तटीय क्षेत्रमा भएको ठूलो जनधनको क्षतिप्रति राष्ट्रिय निजी तथा आवासीय विद्यालय एसोसिएसन नेपाल (नेसनल प्याब्सन) ले दुःख व्यक्त गरेको छ ।
नेसनल प्याब्सनका महासचिव प्रतापबहादुर थापा र अध्यक्ष गीता क्षेत्री राणाले बुधबार संयुक्त रूपमा विज्ञप्ति जारी गर्दै विपद्मा परी ज्यान गुमाउनेहरूप्रति समवेदना व्यक्त गर्दै घाइतेको शीघ्र उद्धार तथा उपचारका लागि सम्बन्धित निकायलाई आग्रह गरेको हो ।
विपद्को यस दुःखद घडीमा प्रभावित स्थानीयवासीको उद्धार, राहत तथा पुनःस्थापनाका लागि नेसनल प्याब्सनका सदस्य विद्यालयहरूलाई स्थानीय सरकार र सुरक्षा निकायसँग
समन्वय गरी आवश्यक सहयोग गर्न पनि आग्रह गरिएको छ ।
विज्ञप्तिमा घाइतेहरूको उपचारका लागि औषधोपचारलगायत आवश्यक सहयोग उपलब्ध गराउन सदस्य विद्यालयहरूलाई अनुरोध गरिएको छ ।
