काठमाडौं । पत्रकार किशोर श्रेष्ठलाई भदौ १ गते सर्वोच्च अदालतमा उपस्थित गराउन आदेश भएको छ ।
बन्दी प्रत्यक्षीकरणसम्बन्धी रिटमाथि सुनुवाइ गर्दै न्यायाधीश बालकृष्ण ढकालको एकल इजलासले श्रेष्ठलाई बरामद गरिएका सामग्रीसहित अदालतमा उपस्थित गराउन आदेश दिएको हो ।
श्रेष्ठलाई प्रहरीले बुधबार राति पक्राउ गरेको थियो । पक्राउपछि उनलाई गैरकानुनी रूपमा थुनामा राखिएको दाबी गर्दै उनकी श्रीमती सरस्वती श्रेष्ठले सर्वोच्च अदालतमा बन्दी प्रत्यक्षीकरणको रिट दायर गरेकी थिइन् ।
रिटमाथि प्रारम्भिक सुनुवाइ गर्दै सर्वोच्चले श्रेष्ठलाई भदौ १ गते अदालतमा उपस्थित गराउन आदेश दिएको हो ।
