डडेल्धुरा । नेपाली कांग्रेसका सभापति शेरबहादुर देउवाको गृहजिल्ला डडेल्धुरामा प्रधानमन्त्री केपी शर्मा ओली र अध्यक्ष पुष्प कमल दाहाल ‘प्रचण्ड’ को पुत्ला दहन गरिएको छ।
आइतबार नेपाली कांग्रेस डडेल्धुराले प्रधानमन्त्री ओली र अध्यक्ष ‘प्रचण्ड’विरुद्ध नाराबाजी गर्दै जिल्ला सदरमुकामको भीमदत्त चोकको बीच सडकमा पुत्ला दहन गरेको हो। बिहीबार नेपाली कांग्रेसले जागरण अभियानका क्रममा बाँकेमा जिल्ला सभापति किरण कोइरालालगायतका कांग्रेस कार्यकर्तामाथि भएको आक्रामणको बिरोधमा ओली र प्रचण्डको पुत्ला दहन गरिएको नेपाली कांग्रेस डडेल्धुराका सभापति कर्णबहादुर मल्लले जानकारी दिए।
बाँके घटनाका दोषीलाई कडाभन्दा कडा कारबाही गनुपर्ने उनको माग छ। उनले सभा भइरहेको ठाउँमा चोरेर आक्रमण गर्नुभन्दा स्थान तय गरेर आफूहरु नेकपासँग लड्न तयार रहेको समेत चेतावनी दिए।
