काठमाडौं । कर्मचारी सञ्चय कोषले सञ्चयकर्ताहरुलाइ सहुलियतमा घर उपलब्ध गराउने कार्यक्रम अगाडी सारेको छ । तर घरको मूल्य भने सञ्चयकर्ताले तिर्नुपर्ने छ।
सुरक्षित जीवनका लागि अवकास योजना अन्तर्गत सो कार्यक्रम सुरू गर्न लागिएको सञ्चय कोषका प्रमुख प्रशासकीय अधिकृत तुलसीप्रसाद गौतमले जानकारी दिए।
गौतमका अनुसार सरकारी तथा निजी क्षेत्रका कर्मचारीहरू जो सञ्चयकोषमा सञ्चयकर्ता रहेका छन् । उनीहरूले यस्तो सुविधा पाउने छन्।
यसमा सञ्चय कोषले जग्गा खरिद गरेर त्यसमा हाउजिङ वा सामूहिक आवासको संरचना बनाई आवासको लागतमा बढीमा १० प्रतिशत जोडेर सञ्चयकर्तालाई कोषले उपलब्ध गराउने छ।
कोषले परीक्षणको रूपमा चितवनमा रहेको जग्गामा हाउजिङ बनाउने काम पनि सुरू गरेको र चितवनका लागि घरको डिजाइनको काम सकिएको हो ।
यो कार्यक्रमका लागि जग्गा खरिद कठिन भएको तै पनि विस्तारै सबैतिर विस्तार गर्दै जाने उनको भनाइ छ।हाल कोषमा ६ लाख संचयकर्ता रहेका छन्। जसमा १ लाख ६० हजारजति निजी क्षेत्रमा कार्यरत रहेका छन्।
