काठमाडौं । प्रतिनिधिसभाको बैठक कार्यसूचीमा प्रवेश नगरी नै स्थगित भएको छ।
बैठक सुरु हुनेबित्तिकै केही सांसदहरूले उठेर विरोध जनाएपछि सभामुख डोलप्रसाद अर्यालले बैठक सञ्चालन गर्न नसक्ने अवस्था बनेको भन्दै १५ मिनेटका लागि स्थगित गरेका हुन्।
सभामुख अर्यालले सांसदहरूलाई आफ्नो स्थानमा बसेर संसद्को कार्यवाही सञ्चालनमा सहयोग गर्न आग्रह गरे पनि विरोध जारी रहेपछि बैठक १५ मिनेटका लागि स्थगित गरिएको हो।
सांसदहरूले कुन विषयमा विरोध जनाएका हुन् भन्नेबारे बैठकमा स्पष्ट जानकारी दिइएको छैन। बैठक पुनः सञ्चालन भएपछि कार्यसूची अगाडि बढ्ने अपेक्षा गरिएको छ।
