काठमाडाैँ । नेपाली काँग्रेसका संसदीय दलका नेता भीष्मराज आङदेम्बेले पारदर्शिताका नारा दिएर सत्तामा पुगेको वर्तमान सरकार पूर्णतः अपरादर्शी देखिएको बताउनुभएको छ ।
सोमवारको प्रतिनिधि सभा बैठकमा बोल्दै उहाँले यस्तो दाबी गर्नुभएको हो । शेयर स्वामित्व लुकाएको आरोपपछि गृहमन्त्री सुदन गुरुङले राजीनामा दिनुभएको र उक्त प्रकरणमा छानविन समितिको प्रतिवेदन आएपनि अहिलेसम्म सार्वजनिक हुन नसकेको बताउनु भयो ।
पटक–पटक उक्त प्रतिवेदन सार्वजनिक गर्न माग गरे पनि सरकारले निरन्तर लुकाउने काम गरिराखेको आरोप लगाउनु भयो ।
उहाँले भन्नुभयो, ‘वर्तमान सरकार पारदर्शिताका नारा दिएर सत्तामा पुगेको हो । तर सरकार पूर्णतः अपारदर्शी देखिएको छ । शेयर स्वामित्व लुकाएको आरोपपछि तत्कालीन गृहमन्त्री ज्यूले राजीनामा दिनुभएको हो । त्यसप्रति गठित छानबिन समितिको प्रतिवेदन आजसम्म सार्वजनिक गरिएको छैन । हामीले पटक–पटक उक्त प्रतिवेदन सार्वजनिक गर्न माग ग¥यौँ तर सरकारले निरन्तर लुकाउने काम गरिराखेको छ । प्रतिवेदनमा के निष्कर्ष आयो ? कसलाई जिम्मेवार ठहर गरियो ? र के कारबाही सिफारिस गरियो भन्ने विषय जनतासम्म ल्याइएको छैन । प्रमुख प्रतिपक्षी नेपाली काँग्रेसले गृहमन्त्रीसँग सम्बन्धित सम्पूर्ण आरोपको स्वतन्त्र निष्पक्ष र उच्चस्तरीय छानबिनको माग गरेको थियो । तर सरकार सत्य बाहिर ल्याउनभन्दा विषयलाई ढाकछोप गर्नतर्फ उन्मुख देखियो ।’
उहाँले आफ्नै मन्त्री सम्बन्धी छानबिन प्रतिवेदन सार्वजनिक गर्न नसक्ने सरकारको कार्यशैली सुशासन, पारदर्शिता, नैतिकता र जनविश्वास माथि गम्भीर प्रश्न खडा गरेको छ गम्भीर प्रश्न उठेको बताउनु भयो ।
