काठमाडौं । देशभर आज असार १५ को अवसरमा २३औँ राष्ट्रिय धान दिवस तथा रोपाइँ महोत्सव विभिन्न कार्यक्रम गरी मनाइएको छ।
कृषिप्रधान मुलुक नेपालमा धान खेतीको महत्त्व उजागर गर्दै सरकारले हरेक वर्ष असार १५ लाई राष्ट्रिय धान दिवसका रूपमा मनाउँदै आएको छ। यसैक्रममा यस वर्षको सरकारकाे तर्फबाट मूल समारोह ललितपुरको खुमलटारस्थित राष्ट्रिय बाली विज्ञान अनुसन्धान केन्द्र परिसरमा आयोजना गरिएको थियो।
असार १५ लाई नेपाली किसानका लागि विशेष पर्वका रूपमा लिइन्छ। यो दिन देशभर रोपाइँसँगै दही–चिउरा खाने परम्परासमेत रहेको छ।
