काठमाडौं । राष्ट्रिय स्वतन्त्र पार्टी (रास्वपा)को सहमहामन्त्री (खुला) पदका लागि ११ जनाले उम्मेदवारी दर्ता गराएका छन्।
पार्टीको निर्वाचन आयोगले शुक्रबार सार्वजनिक गरेको उम्मेदवारको अन्तिम नामावलीअनुसार रमेश प्रसाईंसहित यज्ञमणि न्यौपाने, शुलभ खरेल, असिम शाह, अशोककुमार चौधरी, मिलन लिम्बु, पुकार बम, राजीव खत्री, विजय जैरु, हरि ढकाल र हिमेश पन्तले उम्मेदवारी दर्ता गराएका प्रमुख निर्वाचन आयुक्त भुवन केसीले जानकारी दिए।
रास्वपाको विधानअनुसार सहमहामन्त्री (खुला) पदमा दुई जना निर्वाचित हुने व्यवस्था रहेको छ। उम्मेदवारहरू ती दुई पदका लागि प्रतिस्पर्धामा उत्रिएका छन्।
