काठमाडौँ । संसद सचिवालयकै महिला कर्मचारीलाई बलात्कार गरेको आरोपमा लागेका निवर्तमान सभामुख कृष्णबहादुर महरालाई म्याद थपका लागि आज जिल्ला अदालत काठमाडौं लगिँदै छ । मंगलबार बयान नसकिएकाले प्रहरीले थप अनुसन्धानका लागि भन्दै म्याद थप गर्न अदालत लैजाने तयारी गरेको प्रहरीले जनाएको छ ।
पक्राउ परे लगत्तै उनले स्वाथ्यमा समस्या देखाएपछि उनलाई काठमाडौँको नर्भिक अस्पतालमा भर्ना गरेर उपचार थालीएको थियो ।
महरा उपचाररत नर्भिक अस्पतालले पनि स्वास्थ्यको कारण देखाउँदै बयान लिन नमिल्ने चिठी प्रहरीलाई पठाउँदै आइरहेका बेला उनलाई आज अदालतमा उपस्थित गराउन लागीएको हो । महराले बयान दिन नमाने पनि प्रहरीले अन्य प्रमाण संकलन गरेर २५ दिनभित्र सरकारी वकिल कार्यालयमा प्रतिवेदन पेश गर्ने तयारी प्रहरीको रहेको छ ।
