काठमाडौं। फिफा विश्वकप २०२६ अन्तर्गत समूह ‘एफ’ को एक अत्यन्तै प्रतिस्पर्धात्मक खेलमा एसियाली पावरहाउस जापानले उपाधि दाबेदार मानिएको नेदरल्यान्ड्सलाई २-२ गोलको रोमाञ्चक बराबरीमा रोकेको छ।
एटीएन्डटी स्टेडियममा भएको खेलमा मध्यान्तरसम्म गोलरहित बराबरी भएकामा ५१ औँ मिनेटमा भर्गिल भान जिकले गोल गर्दै नेदरल्याण्ड्सलाई प्रारम्भिक अग्रता दिलाए ।
५७ औँ मिनेटमा केटो नाकामुराले गोल गर्दै जापानलाई बराबरीमा ल्याए ।
६४ औँ मिनेटमा क्रिसेन्सिओ समरभिल्लेले गोल गर्दै नेदरल्याण्ड्सलाई फेरि अग्रता दिलाए । तर ८९ औँ मिनेटमा डाइची कामादाले गोल गर्दै जापानलाई बराबरीमा ल्याउन सफल भए ।
खेलमा नेदरल्याण्ड्सले ६० प्रतिशत बल नियन्त्रणमा लिन सफल भए पनि टिमलाई जिताउन भने सकेन ।
टार्गेटमा पनि नेदरल्याण्ड्सले ६ ओटा प्रहार गरेको थियो । जबकि जापानले ३ ओटामात्र प्रहार गरेको थियो ।
यो खेलसँगै समूह एफमा जापान र नेदरल्याण्ड्सले समान १–१ अंक बटुलेका छन् भने स्वीडेन र ट्युनिसियाले बिहान ७ः४५ बजे पहिलो खेल खेल्दैछन् ।
