काठमाडौ । नेपालको अग्रणी डिजिटल स्ट्रिमिङ प्लेटफर्म ‘डि.जि.ओ.मा (डिसहोम डिजिटल प्राइभेट लिमिटेड) ले फुटबल प्रेमीहरूका लागि फिफा विश्वकप २०२६ को विशेष अफर सार्वजनिक गरेको छ ।
विश्वकै सर्वाधिक प्रतीक्षित यस खेलकुद प्रतियोगितालाई सहज र किफायती बनाउन कम्पनीले मात्र ५४९ रुपैयाँमा ‘मोबाइल–ओन्ली’ पास बजारमा ल्याएको हो । यस अफर अन्तर्गत दर्शकहरूले कुनै पनि झन्झट बिना सिधै डिजिओ एप मार्फत मोबाइल पास खरिद गरेर विश्वकपका सबै १०४ वटा खेलहरूको प्रत्यक्ष प्रसारण हेर्न सक्नेछन् ।
मोबाइल पासका सजिलो खरिद प्रक्रिया रहेको बताइएको छ , दर्शकहरूले डिजिओ एप खोलेर केही क्लिकमै आफ्नो मोबाइल पास सजिलै सक्रिय गर्न सक्नेछन् । यसमा खेलको रोमाञ्चक पल आफ्नै राष्ट्रिय भाषा नेपालीमा सुन्न पाइने बताइएको छ । साथै, दर्शकले आफ्नो आवश्यकता अनुसार नेपाली वा अंग्रेजी कमेन्टरी रोज्न सक्ने ‘डुअल कमेन्टरी’ को विकल्प समेत उपलब्ध हुनेट ।
विश्वकपका सबै खेलहरू १०८० को उत्कृष्ट भिडियो गुणस्तरमा प्रत्यक्ष प्रसारण हुने बताइएको छ । मात्र ५४९ रुपैयाँमा प्रतियोगिताका सबै १०४ खेलहरू निरन्तर हेर्न सकिने जारी विज्ञप्तीमा उल्लेख छ ।
डिजिओका प्रवक्ताका अनुसार, ‘नेपाली दर्शकहरूलाई खेलको अनुभवमा कुनै सम्झौता नहोस् भन्ने हाम्रो चाहना हो । डिजिओ एपमार्फत सिधै पास खरिद गर्ने सुविधाले अब फ्यानहरूले कुनै पनि तेस्रो पक्ष वा शंकास्पद लिङ्कहरूको पछि नलागी सुरक्षित र आधिकारिक रूपमा विश्वकपको आनन्द लिन सक्नुहुनेछ ।’ जारी विज्ञप्तीमा भनिएको छ ।
हाल इन्टरनेट र सामाजिक सञ्जालमा देखिने ‘फ्री स्ट्रिमिङ’ वा शंकास्पद एपका विज्ञापनहरूबाट बच्न डिजिओले सम्पूर्ण दर्शकहरूलाई आग्रह गरेको छ । यस्ता अनधिकृत माध्यमहरूले व्यक्तिगत जानकारी र बैंकिङ विवरणहरू चोरी हुने जोखिम निम्त्याउन सक्ने भएकाले, नेपालको आधिकारिक स्ट्रिमिङ पार्टनर डिजिओमाको एप प्रयोग गरी ढुक्कसँग विश्वकपको मजा लिन कम्पनीले अनुरोध गरेको छ ।
