काठमाडौँ। राष्ट्रिय स्वतन्त्र पार्टी (रास्वपा)को जिल्ला अधिवेशन आजदेखि सुरु हुँदैछ।
रास्वपाले देशका ६१ जिल्लामा आज र भोलि (शनिबार र आइतबार) अधिवेशन गर्न लागेको हो। रास्वपाले देशका ७७ वटै जिल्लातदर्थ समिति बनाएको छ। अरु १६ जिल्लाको अधिवेशन भने अर्को चरणमा गर्ने तयारी छ।
आज र भोलि जिल्ला अधिवेशन गरेर जेठ २६ देखि आगामी असार १ सम्म प्रदेश अधिवेशन सम्पन्न गर्ने कार्यतालिका रास्वपाले बनाएको छ।
रास्वपाको प्रथम महाधिवेशन असार ७ देखि ९ गतेसम्म चितवनमा हुँदैछ।
रास्वपाले शनिबार ३६ जिल्ला र आइतबार २५ जिल्लाको अधिवेशनका लागि पार्टीका तल्लो समितिहरूलाई स्वीकृति दिएको महामन्त्री कबिन्द्र बुर्लाकोटीले जानकारी दिए।
अधिवेशनबाट रास्वपाको जिल्ला नेतृत्व चयन हुनेछ। अधिवेशनका लागि केन्द्रबाट नेताहरु जिल्लाजिल्लामा पुगेका छन्।
