काठमाडाैँ । रोल्पाको माडी गाउँपालिका वडा नम्बर २ घर्तिगाउँस्थित सहिद मार्गअन्तर्गत कालापहर क्षेत्रमा आज बिहान बोलेरो जिप दुर्घटना हुँदा तीन जनाको मृत्यु भएको छ।
अस्थायी नम्बर प्लेट एमएच१४टीसीजे ४७१ रहेको बोलेरो जिप सडकबाट करिब ५०० देखि ६०० मिटर तल खसेर दुर्घटनामा परेको प्रहरीले जनाएको छ।
घटनास्थलमा हालसम्म नाम, थर र वतन नखुलेका दुई पुरुष र एक महिलाको शव फेला परेको छ।
जस्तापाता र प्लास्टिकका पाइप बोकेको उक्त गाडी दुर्घटनापछि प्रहरी टोली घटनास्थलमा पुगेर उद्धार तथा थप अनुसन्धान कार्य गरिरहेको छ।
