काठमाडौं: प्रधानमन्त्री बालेन्द्र शाहले विगतका आन्दोलनहरुका सन्दर्भमा गठन भएका सबै आयोगका प्रतिवेदन सरकारले आवश्यक अध्ययन गरी क्रमश: सार्वजनिक गर्ने बताउनु भएको छ ।
संसदको बैठकमा उपस्थित भएका प्रधानमन्त्री शाहसँग नेपाली काँग्रेसका सांसद अर्जुननरसिंह केसीले सोधेका प्रश्नको जवाफ दिँदै उहाँले मानव अधिकार आयोग, कार्की आयोगका प्रतिवेदनलाई पनि यही पृष्ठभूमिमा अध्ययन गरेर सार्वजनिक गरिने बताउनुभयो ।
प्रधानमन्त्री बालेन्द्र शाह एकाएक संसदमा उपस्थित भएर सांसदले राखेका प्रश्नको जवाफ दिने बताउनु भएको थियो । तर यो प्रक्रियाप्रति विपक्षी सांसदहरुले आपत्ति जनाएका थिए ।
यस्तै, नेकपा एमालेका पदमा अर्यालले लिपुलेक, कालापानीको सीमा विवादका बारेमा सोधिएको प्रश्नको जवाफ दिँदै प्रधानमन्त्री शाहले कालापानीका बारेमा भारत सरकारलाई कुटनीतिक नोट पठाइसकेको जानकारी दिनुभयो ।
उहाँले नेपालले पठाएको कुटनीतिक नोटका सन्दर्भमा भारत सरकारले जवाफ दिएको छ भन्दै यो विषयमा भारत र चीन मात्र होइन बेलायत सरकारले पनि सरोकार राख्नुपर्छ भन्ने हो । कुटनीतिक माध्यम र वार्ताद्वारा समाधान गरिने छ, उहाँले भन्नुभयो ।
