काठमाडौं: इन्डियन प्रिमियर लिग (आइपिएल) को यस सिजनको फाइनलमा गुजरात टाइटन्सले स्थान पक्का गरेको छ । अब आइतबार हुने फाइनलमा गुजरातले बिराट कोहलीको रोयल च्यालेन्जर्स बैंगलुरु (आरसिबी) सँग खेल्नेछ ।
शुक्रबार भएको इलिमिनेटर खेलमा गुजरातले राजस्थान रोयल्सलाई ७ विकेटले पराजित गरेको हो । यसमा गुजरातका लागि कप्तान शुभमन गिलले दर्शनीय १०४ रनको शतकीय पारि खेलेका थिए । उनले १५ चौका र ३ छक्का प्रहार गरेका थिए ।
पहिलो विकेटकमा रुपमा साई सुदर्शनले ५८ रन बनाए । उनी हिट विकेट भएर आउट भए । गिल र सुदर्शन बीच १६७ रनको साझेदारी भएको थियो ।
यसअघि टस जितेर राजस्थान रोयल्सले ब्याटिङ रोजेको थियो । २० ओभरको यस खेलमा राजस्थानले प्रतिभावान युवा खेलाडी वैभव सूर्यवंशीको दर्शनीय ९६ रनको मद्दतले २१४ रन बनाएको थियो ।
पहिलो दुई ओभरभित्रै २ विकेट (यशस्वी जयसवाल र ध्रव जुरेल) गुमाएर दबाबमा परेको गुजरातले सूर्यवंशीको ब्याटिङका कारण मध्यम स्कोर खडा गर्न सफल भएको थियो ।
जितका लागि २१५ रनको लक्ष पछ्याएको गुजरात टाइटन्सले १८.४ ओभरमा ३ विकेट गुमाएर पूरा गरेको थियो ।
