काठमाडौं: हिमालयन बैंकले राजधानीका ६ वटा शाखालाई समायोजन (मर्ज) गरी कारोबार गर्न सूचना प्रकाशन गरेको छ ।
बैंकका अनुसार, बाँगेमुढा, भिमसेनस्थान, अनामनगर, पुतलीसडक, टौबहाल र कुमारीपाटी शाखा हटेका छन् । यी शाखाहरु क्रमश: ठमेल, टेकु, थापाथली, कमलादी, सुन्धारा पाटन र झम्सीखेलमा गाभिएका छन् ।
अब नयाँ शाखाबाट कारोबार यही जेठ १ गतेदेखि नै सुरु भएको बैंकले जनाएको छ ।
पछिल्लो समय बैंकहरुले एकआपसमा मर्ज भएसँगै शाखाहरु पनि मर्ज गर्नेक्रम जारी राखेका छन् ।
