काठमाडौं: नेपालले विश्वकप लिग २ मा निकै बलियो टिम मानिएको स्कटल्यान्डलाई ६ विकेटले पराजित गरेको छ ।
त्रिवि क्रिकेट मैदानमा आज भएको एक दिवसीय खेलमा स्कटल्यान्डले दिएको १९५ रनको लक्ष नेपालले ३८.१ ओभरमा ४ विकेट गुमाएर पूरा गरेको थियो ।
नेपालका लागि कप्तान रोहित पौडेलले अविजित सर्वाधिक ७४ रन बनाए, र उनी अन्तिमसम्म आउट भएनन् । कूल ९८ बल सामना गरेका उनले २ छक्का र ५ चौका प्रहार गरेका थिए ।
इशान पाण्डेले ५५, कुशल भुर्तेलले २८ तथा आशिफ सेखले २९ रन बनाएका थिए । दिपेन्द्र सिंह ऐरीले २ रन बनाए ।
आरिफ शेख ८ रनमा अविजित रहे ।
यसअघि, टस जितेर फिल्डिङ रोजेको स्कटल्यान्डलाई नेपाली बलरहरुले कसिलो बलिङ गर्दै १९४ रनमा रोकेका थिए । नेपालका लागि ललित राजवंशीले ४ तथा सन्दीप लामिछानेले ३ विकेट लिएका थिए । त्यस्तै, सोमपाल कामी, दिपेन्द्र सिंह ऐरी र नन्दन यादवले एक एक विकेट लिए ।
यो जितसँगै नेपालले विश्वकप लिग २ मा २२ अंक सहित पाँचौं स्थानमा उक्लेको छ । नेपालले यसअघि चालू शृंखलामा अमेरिकालाई पराजित गरेको थियो ।
