इङल्यान्डको प्रतिष्ठित फुटबल प्रतियोगिता एफए कपको उपाधि म्यान्चेस्टर सिटीले जितेको छ ।
लन्डनस्थित वेम्बली स्टेडियममा म्यान्चेस्टर सिटी र चेल्सी बिचको फाइनल खेलमा सिटीका लागि एकमात्र गोल एन्टोन सेमेन्योले गरेका थिए । उनले ७१औं मिनेटमा एर्लिङ हालान्डले दिएको पासमा गोल गरेका थिए ।
करिब ८३ हजार दर्शकले खचाखच भरिएको वेम्बली स्टेडियममा पहिलो हाफको करिब आधा घन्टा केही सुस्त खेलेको चेल्सीले त्यसपछि दुबै टिमबाट निरन्तर एकअर्का विरुद्ध सुन्दर आक्रमण गरेका थिए, तर गोल भइरहेको थिएन ।
यो खेलमा पराजित भएसँगै चेल्सीले युरोपा लिग खेल्ने अवसर पनि गुमाएको छ । प्रिमियर लिगमा पनि नवौं स्थानमा रहेकाले च्याम्पियन्स लिगको दौडबाट चेल्सी बाहिरिएको छ ।
गत वर्ष म्यान्चेस्टर सिटी क्रिस्टल प्यालेससँग १-० गोल अन्तरले नै पराजित भएको थियो ।
