काठमाडौँ: काठमाडौँको कपनस्थित नेपाल प्रहरी केन्द्रीय विशेष कार्यदलद्वारा विपद् व्यवस्थापन तथा उद्धार क्षमताको प्रदर्शन गरिएको छ।
प्राकृतिक तथा मानव सिर्जित विपद्का घटनामा प्रभावकारी उद्धार र तत्काल प्रतिक्रिया जनाउने उद्देश्यले आयोजित नमुना अभ्यासमा नेपाल प्रहरीका विशेष टोलीले विभिन्न उद्धार प्रविधि प्रदर्शन गरेका हुन्।
अभ्यासका क्रममा भूकम्प, आगलागी, भवन भत्किएको अवस्था तथा जोखिमपूर्ण क्षेत्रबाट घाइतेको उद्धार गर्ने तरिकाको प्रदर्शन गरिएको थियो।
कार्यक्रममा आधुनिक उद्धार उपकरण, तालिमप्राप्त जनशक्ति तथा आपतकालीन समन्वय क्षमताबारे समेत जानकारी दिइएको प्रहरीले जनाएको छ।
तस्बिर: प्रदिपराज वन्त, रासस
