काठमाडौं । राष्ट्रिय स्वतन्त्र पार्टीले विगतदेखि सञ्चालन गर्दै आएको ‘नीति मन्थन’ कार्यक्रम पुनः सुरु गर्ने भएको छ।
पार्टी सभापति रवि लामिछानेको निर्देशन तथा वैशाख २० गते बसेको केन्द्रीय सचिवालय बैठकको छलफलका आधारमा कार्यक्रमलाई पुनः निरन्तरता दिन लागिएको हो।
पार्टीका अनुसार यही वैशाख २७ गते अपराह्न ३ बजेदेखि ६ बजेसम्म काठमाडौंको नेपाल पर्यटन बोर्डस्थित सभा हलमा ‘विपद् जोखिम न्यूनीकरण तथा विपद् व्यवस्थापन’ विषयमा ‘नीति मन्थन’ कार्यक्रम आयोजना गरिनेछ।
कार्यक्रममा विपद् व्यवस्थापनसँग सम्बन्धित नीति, चुनौती र समाधानका उपायबारे विभिन्न क्षेत्रका विज्ञ तथा सरोकारवालाबीच छलफल हुने जनाइएको छ।
