काठमाडाैँ । नेपाल चिकित्सक संघको अध्यक्षमा डा. बद्री रिजाल निर्वाचित भएका छन् । संघको ३० औं कार्यकारिणीका लागि भएको निर्वाचनमा डा.अध्यक्ष निर्वाचित भएका हुन् ।
डा.रिजालले आफ्ना नजिकका प्रतिस्पर्धी डा.मंगल रावल भन्दा २५६ बढी मत प्राप्त गरे । रिजालले ३१९६ मत पाउँदा डा. रावलले २९४० मत पाए । अध्यक्षका अर्काे प्रतिस्पर्धी डा.नारायणप्रसाद भुसालले ८६९ मत प्राप्त गरे ।
लामो समयदेखि संघभित्र विभिन्न जिम्मेवारीपूर्ण पदमा सक्रिय रहँदै आएका रिजालले नेतृत्व, अनुभव र समर्पणका आधारमा चिकित्सकहरूको विश्वास प्राप्त गरेका हुन् ।
नव–निर्वाचित अध्यक्ष डा. रिजालप्रति आगामी दिनमा स्वास्थ्य सेवाको गुणस्तर अभिवृद्धि गर्ने, स्वास्थ्य प्रणालीलाई अझ सुदृढ बनाउने तथा चिकित्सकहरूको पेशागत अधिकार र हित संरक्षणमा उल्लेखनीय उपलब्धि हासिल गर्ने विश्वास व्यक्त गरिएको छ ।
