काठमाडौँ । देवीनगरस्थित धोबीखोला करिडोरमा निर्माण गरिएको ७ तल्ले घर भत्काउने तयारी अघि बढाइएको छ । सरकारी निकायले अतिक्रमण गरी निर्माण गरिएको निष्कर्ष निकाल्दै उक्त संरचना हटाउने प्रक्रिया सुरु गरेको हो ।
हाल सुरक्षाकर्मीको निगरानीमा भवनभित्र रहेका सामग्रीहरू बाहिर निकाल्ने काम भइरहेको छ । सो क्षेत्रलाई सुरक्षा घेरामा राख्दै सशस्त्र प्रहरी, नेपाल प्रहरी तथा नगर प्रहरीको उल्लेख्य उपस्थिति देखिएको छ ।
उक्त घरमा रेष्टुरेन्ट, बार, स्पा लगायत विभिन्न व्यवसाय सञ्चालनमा रहेका थिए । पछिल्लो केही दिनयता सामाजिक सञ्जालमा व्यापक रूपमा चर्चामा आएको यो संरचनामाथि सरकारी कदम चालिएको हो ।
