काठमाडौं । सरकारी ठेक्का प्रक्रियामा अनियमितता गरेको आरोपमा प्रहरीले पूर्वमन्त्री विक्रम पाण्डेलाई पक्राउ गरेको छ।
सरकारी बोलपत्र सम्बन्धी वेबसाइटमा अनधिकृत पहुँच प्रयोग गरी ठेक्का आफ्नै कम्पनीको पक्षमा पारेको अभियोगमा उनलाई नियन्त्रणमा लिइएको हो।
पाण्डेलाई काठमाडौंबाट पक्राउ गरिएको पुष्टि केन्द्रीय अनुसन्धान ब्यूरो (सीआईबी)का एआईजी डा. मनोज केसीले गरेका छन्। घटनाबारे थप अनुसन्धान भइरहेको प्रहरीले जनाएको छ।
