काठमाडौँ । नेपाल राष्ट्र बैंकले बुधबार ४० अर्ब रुपैयाँ निक्षेप संकलन गर्ने भएको छ।
बैंक तथा वित्तीय संस्थाहरूमा अधिक तरलता देखिएपछि केन्द्रीय बैंकले बोलकबोल प्रक्रियामार्फत १६८ दिनका लागि उक्त रकम संकलन गर्न लागेको हो।
राष्ट्र बैंकका अनुसार संकलित निक्षेपको साँवा र ब्याज २०८३ साल असोज २१ गते भुक्तानी गरिनेछ। तरलता व्यवस्थापन गर्ने उद्देश्यसहित यो उपकरण प्रयोग गरिएको हो।
निक्षेप संकलन उपकरणको बोलकबोलमा “क”, “ख” र “ग” वर्गका बैंक तथा वित्तीय संस्थाहरूलाई मात्र सहभागी हुन अनुमति दिइएको छ।
