काठमाडौं । नेपाली कांग्रेसको संसदीय दलको नेता चयन प्रक्रियालाई अघि बढाउने क्रममा गठन गरिएको समितिले आज दिउँसो ३ बजे कांग्रेसका सबै सांसदहरूसँग छलफल गर्ने भएको छ।
समितिका संयोजक प्रकाश स्नेहीका अनुसार उक्त छलफल सिंहदरबारस्थित संसदीय दलको कार्यालयमा हुने तय गरिएको छ।
छलफलमा संसदीय दलको नेता चयनका विषयमा धारणा संकलन गर्ने र सहमतिको आधारमा प्रक्रिया अगाडि बढाउने विषयमा केन्द्रित रहने जनाइएको छ।
समितिले सांसदहरूको सुझावका आधारमा आगामी रणनीति तय गर्ने तयारी गरेको जनाएको छ।
