काठमाडौं । राष्ट्रिय स्वतन्त्र पार्टीको संसदीय दलको आज सिंहदरबारमा बसेको बैठकले सांसद गणेश पराजुलीलाई प्रतिनिधिसभा संसदीय दलको उपनेतामा चयन गरेको छ ।
बैठकले पार्टीको मुख्य सचेतकमा कविन्द्र बुर्लाकोटी, सचेतकहरूमा प्रकाशचन्द्र परियार र क्रान्तिशिखा धिताललाई पनि चयन गरेको छ ।
प्रधानमन्त्री बालेन्द्र शाह रास्वपाको संसदीय दलको नेता हुन् ।
संसदीय दलको आजको बैठकले संसदका विभिन्न समितिका सभापतिहरु चयन गर्नुका साथै मन्त्री, सांसद र स्वकीयहरुबाट उठाइने लेबीका बारेमा पनि निर्णय गरेको थियो ।
गत फागुन २१ गते चुनाव भएयता रास्वपाले मन्त्रीहरु र संसदका विभिन्न जिम्मेवारीलाई फटाफट टुंगो लगाएको छ ।
