बाँके । आन्दोलनकारीले ईलाका प्रहरी कार्यालय कोहलपुर परिसर भित्र रहेको क्यान्टीनमा आगजनी गरेका छन् । आन्दोलनकै क्रममा प्रहरी कार्यालय तोडफोड हुन थालेपछि प्रहरीले ईलाका प्रहरी कार्यालय आसपासको क्षेत्रलाई निशेधित क्षेत्र घोषणा गरेको छ।
एक स्कुले बिद्यार्थीलाई ट्रकले किचेपछि आन्दोलनमा उत्रिएका विद्याथीमाथी प्रहरीले दमन गरेको भन्दै ईप्रका कोहलपुरमा तोडफोड तथा क्यान्टिनमा आगजनी गरीएको हो । अनियन्त्रित भिडलाई नियन्त्रण गर्न प्रहरीले दजनौं पटक हवाई फायर गरीसकेको छ । प्रहरीले चलाएको गोली लागी दुई विद्यार्थी गम्भीर घाईते भएका छन भने सयौं विद्यार्थी घाईते भएका छन ।
अनियन्त्रित भिडले प्रहार गरेको ढुङ्गा लागेर १ दर्जन बढि प्रहरी घाईते भएका छन । अवस्था नियन्त्रण बाहिर गएपछि कोहलपुरमा सयौं प्रहरी परिचालन गरीएको छ ।
