काठमाडौँ। प्रतिनिधि सभाका विषयगत समितिहरूको सभापति चयनका लागि आगामी वैशाख ४ गते निर्वाचन हुने भएको छ ।
सभामुख डोलप्रसाद अर्यालले शुक्रवारको बैठकमा प्रतिनिधि सभा नियमावली २०७९ को नियम १७६ को उपनियम १ बमोजिम निर्वाचनको मिति र समय तोक्नुभएको हो ।
सभामुख अर्यालले भन्नुभयो, ‘प्रतिनिधिसभा नियमावली २०७९ को नियम १७६ को उपनियम १ बमोजिम प्रतिनिधिसभा अन्तर्गतका विषयगत समितिहरूको सभापतिको निर्वाचनको लागि २०८० साल वैशाख ४ गते शुक्रवार दिनको १ बजेको समय तोकिएको व्यहोरा जानकारी गराउँछु।’
यो निर्वाचनसँगै अब सबै विषयगत समितिहरूले पूर्णता पाउने अपेक्षा गरिएको छ । –न्युज एजेन्सी नेपाल
