काठमाडौं । वन तथा वातावरण तथा कृषि तथा पशुपन्छी विकासमन्त्री गीता चौधरी र विश्व बैंकका माल्दिभ्स, नेपाल तथा श्रीलङ्काका देशीय निर्देशक डेभिड सिस्लेनबीच भेटवार्ता भएको छ।
चैत्र २४ गते सम्पन्न उक्त भेटवार्तामा नेपाल सरकार र विश्व बैंकबीचको दीर्घकालीन सहकार्य तथा साझेदारीलाई अझ सुदृढ बनाउने विषयमा विस्तृत छलफल भएको जनाइएको छ।
भेटका क्रममा सरकारले अघि सारेको १०० बुँदे विकास एजेन्डा प्रभावकारी रूपमा कार्यान्वयन गर्ने विषयमा समेत जोड दिइएको थियो। साथै वन, कृषि तथा ग्रामीण जीविकोपार्जनलाई प्राथमिकतामा राख्दै यी क्षेत्रको दिगो विकासका लागि सहकार्य बढाउने विषयमा पनि छलफल भएको थियो।
