जोहानेसबर्गः दक्षिण अफ्रिकाका अश्वेत नेता एवं धार्मिक गुरु डेस्मण्ड टुटुको ९० वर्षको उमेरमा निधन भएको छ ।
दक्षिण अफ्रिकाको राष्ट्रपतिको कार्यालयले आर्कबिशप टुटुको निधन भएको घोषणा गरेको छ । अफ्रिकाका पूर्व राष्ट्रपति नेल्सन मण्डेलाका साथी रहेका टुटुले रंगभेद विरोधी आन्दोलनमा संघर्ष गरेका थिए ।
नोबेल शान्ति पुरस्कार पाइसकेका टुटुको निधनप्रति गहिरो समवेदना व्यक्त गर्दै दक्षिण अफ्रिकाका राष्ट्रपति सिरिल रामाफोसाले भन्नुभएको छ, “दक्षिण अफ्रिकालाई दासताबाट मुक्त गराउने एक महान व्यक्तिलाई गुमाउनु परेकामा हामी ज्यादै दुखित छौं ।”
सन् १९९० को दशकमा उहाँलाइ क्यान्सर रोग लागेको पत्ता लागेको थियो । उहाँलाइ पटकपटक अस्पताल भर्ना गरिएको थियो ।
