काठमाडौं । सम्पत्ति शुद्धीकरण अनुसन्धान विभागमा प्रधानन्यायाधीश चोलेन्द्र शम्सेर जबराविरुद्ध उजुरी परेको छ ।
बृहत नागरिक आन्दोलनको तर्फबाट प्रा.डा. गोविन्द केसी, नारायण वाग्लेलगायतले प्रधानन्यायाधीश जबराको सम्पत्ति छानबिनको मागसहित विभागमा उजुरी दिएका हुन् ।
‘हालसम्म प्रकाशित समाचार तथा अन्य सूचना सामग्रीहरुलाई आधार बनाई तथा सो सम्बन्धी उजुरी समेत ग्रहण गरी कसुरबाट प्राप्त सम्पत्ति जफत गर्ने तथा कसुरमा संलग्न व्यक्तिलाई दण्डित गर्ने सम्बन्धमा प्रभावकारी अनुसन्धान तथा अन्य आवश्यक कारवाही तत्काल प्रारम्भ गरी पाऊँ भनी सम्बन्धित सूचना सामग्री संलग्न गरी ध्यानाकर्षण गराउन चाहन्छौं ।’ उजुरी पत्रमा लेखिएको छ ।
