काठमाडौं । आज बिहाज नेकपा एमालेका अध्यक्ष केपी ओलीलाई पक्राउ गरिएको बिरुद्धमा देशैभरि प्रदर्शन भएको छ । आज अपराह्नदेखि नै काठमाडौँको बबरमहल र माइतीघरमा प्रदर्शन भएको थियो र त्यसमा प्रदर्शनकारी र प्रहरीका रुचमा झडपहरु भएको थियो ।
प्रदर्शनकारीहरुले सढडकका डिभाइडरहरु जम्मा गरेर जलाइदिएका थिए । उनीहरुले एउटा निजी गाडीमा पनि तोडफोड गरेका थिए । त्यसैगरी प्रहरी र प्रदर्शनकारीका बीचमा भएको झडपका क्रममा केही प्रदर्शनकारी घाइते पनि भएका छन् ।
बबरमहलमा जम्मा भएका एमाले कार्यकर्ताहरुले ओलीलाई रिहाई नगर्ने हो भने देशैभरि झन् ठूलो आन्दोलन हुने बतएका थिए ।
उता काठमाडौँ बाहिर पनि नेपालगञ्ज, पोखरा, विराटनगर, कञ्चनपुर लगायतका कैयौँ क्षेत्रमा पनि ओलीलाई रिहाइको माग गर्दै र उनलाई पक्राउ गरिएको विषयको विरोध गर्दै जुलुश प्रदर्शन गरिरहेका छन् । उनीहरुले ओलीको रिहाईको माग पनि गरेका छन् ।
ओलीलाई पक्राउ गरिने भएपछि सम्भावित मुठभेडको अनुमान गरेर नै नेपाल प्रहरी र सशस्त्र प्रहरी नेतृत्वले प्रहरीलाई तयारी अवस्थामा बस्न र विदा नलिन हिजोराति नै सूचित गरेको थियो । आज बिहानै एमाले अध्यक्ष एवं पूर्व प्रधानमन्त्री केपी ओली र पूर्व गृहमन्त्री रमेश लेखकलाई भक्तपुरस्थित उनीहरुको निवासमै पुगेर पक्राउ गरेको थियो ।
आज बिहानै बसेको एमालेको आकस्मिक बैठकले देशैभरि सरकारका विरुद्ध प्रदर्शन गर्ने निर्णय गरेको थियो । ओली पक्राउ परेपछि वरिष्ठ उपाध्यक्ष रामबहाुर थापा बादलको अध्यक्षतामा बसेको बैठकले सो निर्णय गरेको थियो ।
प्रहरीका अनुसार ‘जेनजी आन्दोलन’ सम्बन्धी छानबिन गर्न गठित गौरीबहादुर कार्की आयोग ले बुझाएको प्रतिवेदनका आधारमा दुवै जनालाई पक्राउ गरिएको हो।
अनुप प्रधान/ न्युज एजेन्सी नेपाल
