काठमाडौँ । आज बिहानै ६ बजे अफ्नो निवास भक्तपुरको गुण्डु पुगेका प्रहरीलाई पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले भनेका थिए— यतिधेरै हुल लिएर किन आउनुभयो ? त्यसपछि त्यहाँ पुगेका प्रहरीले पक्राउ पूर्जी देखाए र हामी त हजुरलाई लिन आएको हजुर भने ।
प्रहरी टोली ओली निवास पुग्दा गेट बन्द थियो । सायद बिहान खोल्ने बेला पनि भएको थिएन होला । त्यसपछि प्रहरीले गेट खोल्न अनुरोध गरे, तर सुरुमै खोलिएन । उनको घरका केही व्यक्तिले ढोका खोल्न अस्वीकार गरेका थिए ।
पक्राउका लागि एक जना प्रहरीले ढोका खोल्न अनुरोध गर्दै भने— हामी सम्माननीयज्यूलाई पक्राउ गर्न आएको ढोका खोलिदनुपरो । हामी उहाँलाई सम्मानपूर्वक लान्छौं ।
त्यहाँ एकैछिन् धकेलाधकेल पनि भएको थियो । ती प्रहरी अधिकारीले भन— हामी ६ बजेतिर पुग्यौँ । सुरूमा केहीले ढोका खोल्न मानेनन् । त्यहाँ एकैछिन् धकेलाधकेल भयो । त्यसपछि केही भएन, उहाँ आफैँ तयार हुनुभयो अनि उहाँकै गाडीमा लिएर गयौँ ।
ती प्रहरी अधिकारीसँग ओलीले भने— ठिकै छ अब तपाईंहरू आउनुभयो । मलाई फोन गरेरबै बोलाएको भए पनि आफैँ आउँथेँ होला । प्रतिशोध लिन खोज्यो सरकारले । त्यसको जबाफमा ती प्रहरीले भने— हामी त राज्यको सिपाही हो हजुर, आदेश अनुसार आएको ।
त्यसपछि ओलीले भनेका थिए— हो, ’मैले बुझेँ । यसो भन्दै ओलीले आफूलाई चाहिने औषधि झोलामा हाले र प्रहरीसँगै बाहिर निस्के ।
