काठमाडौं । डलरको लोभमा काठमाडौंमा एक जनाले १२ लाख रुपैयाँ डुबाएका छन् । डोल्पा घर भई राजधानीको बौद्धमा बस्ने ४० वर्षीय छेवाङ तन्दुर गुरुङको १२ लाख रुपैयाँ ठगी भएको हो।
उनको साथमा १० हजार बढी डलर थियो। अपरिचित व्यक्तिहरूले ‘डलर साटिदिन्छु’ भनेर महालक्ष्मी नगरपालिका २ इमाडोलमा बोलाई उनीहरूले पैसा आकारको कागजको बिटो दिइ उनको साथमा रहेको उक्त नगद लिई फरार भए हुन् ।
उनी एकछिन अक्कनवक्क पर्दै आफू ठगिएको भन्दै उनले प्रहरीमा उजुरी गरे। प्रहरीले फरार व्यक्तिहरूको खोजी गरिरहेको जनाएको छ।
घटनामाथि थप अनुसन्धान भइरहेको प्रहरीले जानकारी दिएको छ।
