काठमाडौंं । नेपाली कम्युनिष्ट पार्टी (नेकपा) समानुपातिकतर्फ ९ सिटका लागि बन्दसूचीबाट नाम छनौट गरेर आयोगमा सिफारिस गरेको छ ।
नेकपाले बलावती शर्मा, प्रमेश हमाल, प्रेम बहादुर बयक, भीमकुमारी बुढा, परशुराम तामाङ, जोगकुमार बर्बरिया यादव, गणेश विश्वकर्मा, पार्वती विश्वकर्मा र निराशा चौधरी डगौराको नाम आयोगमा पठाएको छ ।
सहसंयोजक माधव नेपाल पक्षबाट प्रमेश हमाल र गणेश विश्वकर्मा लाई सिफारिस गरिएको छ ।
अन्य क्लष्टरबाट छनौट हुदा मुस्लिम क्लष्टरलाई उपेक्षा गरिएको भन्दै नेता क्लष्टरका उम्मेदवार ताज मोहम्मद मियाँले मुस्लिम लाई संविधानले दिएको समानुपातिक र समावेशी अधिकार नेकपाले खोसेको आरोप लगाउनु भएको छ । उहाँले लेख्नु भएको छ– ‘९ सिटमा मुस्लिम शून्य, अब भुलेर पनि मुस्लिमको नाम नलिनु है, आफ्नो फोकटिया भाषणमा ।
’ताज मोहम्मद मियाँ मुस्लिम क्लष्टरको पहिलो नम्बरमा रहनु भएको थियो । मियाँसंगै उक्त समूहका नेताहरुले सामाजिक सञ्जालबाट असन्तुष्टि जनाउन थालेका छन् ।
