काठमाडाैँ । प्रतिनिधिसभा सदस्य निर्वाचनअन्तर्गत समानुपातिक निर्वाचन प्रणालीतर्फको मतगणना जारी छ। अपराह्न ३ बजेसम्म ९० लाख ८४ हजार मतगणना हुँदा राष्ट्रिय स्वतन्त्र पार्टीले ४३ लाख ९० हजार मत प्राप्त गरेको छ।
अन्य दलहरूको मतमा नेपाली कांग्रेस १४ लाख ७० हजार, नेपाल कम्युनिष्ट पार्टी (एमाले) १२ लाख ३१ हजार, नेपाली कम्युनिष्ट पार्टी ६ लाख ५६ हजार, श्रम संस्कृति पार्टी ३ लाख १३ हजार र राष्ट्रिय प्रजातन्त्र पार्टी २ लाख ९४ हजार मत प्राप्त गरेका छन्।
निर्वाचन आयोगको प्रविष्ट प्रणाली अनुसार जनता समाजवादी पार्टी नेपाल १ लाख ४० हजार, राष्ट्रिय परिवर्तन पार्टी १ लाख ३७ हजार, जनमत पार्टी ६२ हजार र राष्ट्रिय मुक्ति पार्टी नेपाल, जनता समाजवादी पार्टी तथा नागरिक उन्मुक्ति पार्टी संयुक्त रूपमा ५० हजार मत पाएका छन्।
प्रत्यक्ष निर्वाचन प्रणालीतर्फ १६४ क्षेत्रमा मतगणना हुँदा राष्ट्रिय स्वतन्त्र पार्टीका १२४ उम्मेदवार विजयी भइसकेका छन्। कांग्रेसका १७, एमालेका ७, नेपाली कम्युनिष्ट पार्टीका ७, श्रम संस्कृति पार्टीका ३, राष्ट्रिय प्रजातन्त्र पार्टीका १ र स्वतन्त्र उम्मेदवार १ क्षेत्रमा विजयी भएका छन्।
जारी मतगणनामा गोरखा क्षेत्र नं १ मा रास्वपा, इलाम क्षेत्र नं १ मा कांग्रेस र सङ्खुवासभा क्षेत्र नं १ मा एमाले उम्मेदवार अग्रस्थानमा रहेका छन्।
